أهلاً بالعالم !

تبدا جميع مدونات ووردبريس بتدوينه اهلا بالعالم ..!

واول شي افكر فيه لما اشوف العنوان بعلامه التعجب اللي تختمه (!)

اكيد المدونه تفكر ايش راح يرمي هذا المدون الجديد في عالم التدوين الكبير وين راح تستقر تدوينته

وهل منها فائده ؟!

في البدايه اكيد يهم اي شخص يدخل المدونه يعرف مين المدون ..

المدونه هي اماني القحطاني لايف كوتش ومهتمه بعلوم تغيير الانسان على شتى المجالات والاصعدهعلم النفس , علم النفس السلوكي والمعرفي ,علم الاجتماع ,الهندسه الاجتماعيه ,الميتافيزيقيا,,علوم الطاقه ,علوم التفكير ومعجزات العقل البشري ,الحريه النفسيه ,البرمجه اللغويه العصبيه ,علم النفس الاجتماعي                     لدي شغف حقيقي بكل ما يغير النفس البشريه سواء بوعي او بدون وعي

اؤمن بشكل قاطع ان الانسان هو كيان متكامل وان ما يشكله ليس شيء واحد ولا جزء واحد بينما اجزاء

على اختلافها الشديد عن بعض (متباينه) الا انها متكامله ولا يكتمل جزء دون اخر ..

لذالك ابحث و ادرس في اي علم قد يكون مفتاح تغيير او تشكيل هذا الانسان العظيم ..

للمدونه ثلاث اقسام قابله لزياده القسم الأول

قسم عام :

وفيه راح اتكلم عن الكوتشينج كتقنيه حديثه او (شبه حديثه ) بتوسع لاني لاحظت قله المحتوى المطروح في الانترنت عن الكوتشينج في المواقع او المدونات العربيه ولان اغلب الكوتشينج المتقدمين او المحترفين يدخلون التعريف عن الكوتشيج  كجزء لا يتجزء من دوراتهم الخاصه

ولان مو كل الناس كوتش ولا تبي تكون كوتش لكن عندهم مشاكل يبحثون عن اللي يساعدهم في حلها او يحاولون يغيرون من نفسهم او يطورون ذاتهم او حتى فاقد ذاته وفاقد البوصله ومو عارف ايش يبغى وين يبي يكون  انا اعرف ان الكثير سمع عن الكوتشينج كوسيله فعاله مساعده لهم نظرا لما تملكه التقنيه من ادوات ووسائل  رهيبه تساعد على التغيير العميق بس اكيد الانسان يكون متردد امام الشيء المجهول اللي مايعرفه وهذا هدف المدونه في العمق ايصال مفهوم الكوتشينج باسهل وابسط صوره للمستفيدين وشرح كل ما يتعلق في الكوتشينج

راح نتكلم عن الكوتشينج كتقنيه وعلم ايش ممكن يفيدك في حياتك والمجالات اللي يتطرق لها الكوتشينج

اقسامه و تخصصاته انواعه الكثيره واي نوع انت تحتاج في هذي المرحله واكيد ايش النتيجه المرجوه منه

تجارب مستفيدين وكيف الكوتشينج غير حياتهم فعلا راح انزل ايضا بعض التمارين  التطبيقيه الفعاله والتقنيات اللي نستخدمها احنا ككوتشينج مع المستفيدين لمساعدتهم لحل مشاكلهم

لو كنت شخص مجتهد ممكن فقط من خلال متابعتك للمدونه تلقى حل لأعتى مشاكلك ان شاء الله

المدونه احاول اخليها باللغه العاميه وبلغه بسيطه عشان الناس تفهمها ولانها خرجت في الوجود لخدمه الناس اولا وآخرا .

قسم متخصص

وهو موجهه للكوتشييز الحاصلين على شهاده الكوتشينج وفيه نتاول فيه

\التقنيات والاساليب\النماذج المتبعه دوليا والنماذج الشخصيه لاشهر المدربين او الكوتشيز العالميين عن طريق ترجمه المحتوى الخاص فيهم المتوفر على الانترنت بالمجان وكيف ممكن نستفيد منها ككوتشينج ونطبقها

المهارات الاساسيه والمهارات الاضافيه اللي لازم الكوتش يتقنها مثل \التمكين المهني الذاتي  للكوتش \استخدام الاسئله الصحيحه في الوقت الصحيح \لغه الجسد\الانماط اللغويه للاقناع(لغه ميلتون اريكسون) وغيرها الكثير .

قسم البرامج الخاصه

هذا القسم يتناول البرامج الشخصيه اللي صممتها من تجربه شخصيه طويل مع التطوير والتغيير

وهو برنامجين اساسين…

Character desine

فن تصميم الشخصيه وهو برنامج عميق من 6 الى 9 جلسات متتابعه للعميل هدفها اعاده بناء شخصيه وببساطه نساعده على اكتشاف الثغرات اللي مخليته مو قادر يحقق احلامه و طموحاته الثغرات هذي هي المدخل للفيروسات العقليه اللي قاعده تستنزف طاقتك وتضيع مجهوداتك في التغيير او التطوير

الثغرات (الماضي\الحاضر\المستقبل)

الفيروسات  اللي تنخر في جسدك او روحك او عقلك واللي نعتبرها العائق الحقيقي لمنظومه التغيير (فيروسات عقليه.. معتقدات وقناعات-فيروسات جسديه.. سلوكيات-فيروسات نفسيه روحيه ..مشاعر)

في البرنامج نحدد معك بالضبط اين الخلل وين مصدر الهدر فيك كشخص

طاقتك وين تتشتت؟ وين تجتمع؟

نعطيك خريطه كامله لشخصيتك نعرفك على مواطن الضعف والقوه

نساعدك على التخلص من المقاومه او التدمير الذاتي ونساعدك على رفع الاستحقاق و ايجاد هويته الحقيقه وادراك ذاته و كيانه الرائع المميز المستقل

inside out side fitness

البرنامج هذا خاص جدا و جميل جدا واحب اقدمه كثير لانه يرتبط معاي بقصه شخصيه(راح اتحدث عنها بالتفصيل في القسم) جمال البرنامج في سهولته الممتنعه

مخصص للاشخاص اللي تعبو من انظمه الدايت تعبو من الوزن الزايد تعبو من تبديل وتعديل المقاسات كل مره يروحون فيها المول راح نساعدك تتخلص من هذا الوزن للابد وبدون رجعه وبدون تعب او ارهاق او كره وبدون رياضه بعد اذا تبي

في هذا البرنامج راح نفك معاك شفره السمنه العنيده الخاصه فيك وراح تشوف الكيلوات كيف تتساقط على الميزان بعدها

البرنامج شامل متكامل فهو يساعدك على التخلص من التخمه العقليه اولا عن طريق التخلص من كل القناعات والمعتقدات المترسبه منذ الازل بداخلك عن نفسك..الاكل..المتعه..الرياضه…السمنه..الرشاقه..الرياضه..

كما انه يشمل جلسه بوصله المشاعر والتي من خلالها سوف تكتشف ماهو جوع المشاعر واشكال جوع المشاعر وكيف ان السمنه هي عباره عن حاجه عاطفيه يتم تفريغها بالشكل الخاطئ                                    سوف نساعدك على فهم انفعالاتك وفهم رسائلها وكيف تتعامل معها بطريقه صحيحه سليمه                          هذا البرنامج راح يكون بوابتك لعالم الرشاقه السعيد وراح تودع السمنه للابد ..

 

 

 

 

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s